Atyraýda 16 qabatty turǵyn úı órtendi

ATYRAÝ. QazAqparat – Atyraýda 16 qabatty úıde elektr kabelderi janyp, turǵyndar evakýatsııalandy, dep habarlaıdy QazAqparat QR Іshki ister mınıstrligi Tótenshe jaǵdaılar komıtetiniń resmı ókili Nursultan Nurahmetovke silteme jasap.

«22 qańtar kúni saǵat 02.46-da Atyraý qalasynyń «101» pýltine Almagúl shaǵynaýdanyndaǵy 16 qabattty turǵyn úıde órt shyqqany týraly habar tústi. Oqıǵa ornyna jetken qutqarýshylar 9-dan 12-inshi qabat aralyǵyndaǵy kabeldi kanalda elektr symdary janyp jatqanyn anyqtady. Órt sóndirýshiler turǵyndardy evakýatsııalaýǵa jáne jalyndy sóndirýge dereý kiristi. Máselen, saty arqyly 10 adam qutqaryldy, onyń 4-eýi – balalar. 25 adam evakýatsııalandy, onyń ishinde 8-i – balalar», - dedi TJK-dan.

Tilsiz jaý 03.40-ta tolyǵymen aýyzdyqtaldy. Jalyn 8 sharshy metr aýmaqty sharpyǵan. Atap ótilgendeı, qaza bolǵandar men zardap shekkender joq.

Órtti sóndirýge Atyraý oblystyq TJD-nyń jeke quramynyń 21 adamy men 4 tehnıkasy jumyldyryldy.