Atyraýda 153 otbasy «Baqytty otbasy» baǵdarlamasyna qatysýǵa ótinish berdi

ATYRAÝ. QazAqparat – Atyraýda kóp balaly jáne az qamtylǵan otbasylardan ótinishter qabyldaý jalǵasýda,dep habarlaıdy qalalyq ákimdiktiń baspasóz qyzmeti.

29 shilde men 5 tamyz aralyǵynda qalalyq turǵyn úı - kommýnaldyq sharýashylyq bólimimen «Nurly jer» memlekettik turǵyn úı qurylysy baǵdarlamasy aıasynda QTQJB jelisi arqyly «Baqytty otbasy» baǵyty boıynsha 153 ótinish qabyldandy.

Baǵdarlama shartyna sáıkes, memlekettik turǵyn úı qorynan turǵyn úıge muqtajdar tiziminde esepte turǵan kelesi azamattar: tórt jáne odan kóp kámelettik jasqa tolmaǵan balalary bar, joǵarǵy oqý oryndarynda, kolledjderde jáne basqa oqý oryndarynda kúndizgi bólimde oqıtyn 23 jasqa deıingi balalardy qosa alǵandaǵy kópbalaly otbasylar; kámelettik jasqa tolmaǵan balalary bar tolyq emes otbasylar (ajyrasqan ýaqyty 3 jyldan kem emes); otbasynda múmkindigi shekteýli balalary bar nemese olardy tárbıeleýshi otbasylar qatysa alady.

Qalalyq TKSh, jolaýshylar kóligi jáne avtomobıl joldary bóliminiń málimetinshe, baǵdarlamaǵa kópbalaly otbasylar men tolyq emes otbasylar,sondaı-aq, múmkindigi shekteýli balalardy baǵyp otyrǵan otbasylar qatysa alady.

«Birinshi kezekte baǵdarlama jalǵa alynǵan turǵyn úıde, týysqandarynda turatyn halyqtyń az qamtylǵan toptaryn qoldaýǵa baǵyttalǵan. Uzaq ýaqyt boıy óz baspanasyn alýǵa qarajat jınaı almaı júrgenderge. Basty talap-otbasy tabysy az bolýy kerek, otbasynyń bir múshesiniń tabysy 42 500 teńgeden tómen bolýy tıis. Kezekte turǵandar tiziminde alǵashqy jarnasyn jınaý qıyn bolǵan adamdar turady. Osy baǵdarlama boıynsha turǵyn úı 19 jylǵa jyldyq 2%-ben beriledi. Bastapqy jarna turǵyn úıdiń jalpy qunynyń 10% quraıdy»,- deıdi qalalyq TKSh bóliminiń turǵyn úı sektorynyń basshysy Rafhat Joldıev.

«Baqytty otbasy» ıpotekasy aıasynda alǵashqy jáne ekinshi turǵyn úı alýǵa bolady. Osylaısha, jeńildetilgen paıyzdyq mólsherleme boıynsha ıpotekalyq qaryz alý úshin ótinish berýshi men onyń otbasy músheleriniń jeke baspanasy bolmaýy tıis.

Qajetti qujattar tizimi:Jeke kýálik (túpnusqa jáne kóshirmesi);Neke týraly kýálik (neke buzý týraly, ákesi dep taný týraly, №4 nysan),Týý týraly kýálik (tupnusqa jáne kóshirmesi),Meken-jaı anyqtamasy (barlyq otbasylar múshelerine);Múgedektigi týraly anyqtama;Menshik quqynda tıesili úı-jaıdyń joqtyǵy týraly anyqtama;sońǵy 6 aı jumys jasaǵandyǵy jóninde anyqtama;zeınetaqy qoryna sońǵy 6 aıǵa aýdarylǵan jarnalar anyqtamasy. Qujattardy qabyldaý boıynsha meken-jaıy: Atyraý qalasy, Azattyq dańǵyly №101a, №3 tereze.