Atyraýda 1500 bas iri qarany bordaqylaý alańy iske qosylady
ATYRAÝ. QazAqparat –Atyraýda 1500 bas iri qarany bordaqylaý alańy iske qosylady, dep habarlaıdy QazAqparat tilshisi.
Atyraý oblysynyń ákimi Mahambet Dosmuhambetov búgin turǵyndar aldynda esep berý jınalysynda agroónerkásip keshenin damytyp, turǵyndardy sapaly ónimmen qamtý máselesine basa nazar aýdardy.
«Jumaǵalıeva» jeke kásipkerligi qolǵa alǵan bordaqylaý alańy Atyraý qalasynyń shetkeri aýmaǵynda ornalasqan. Ótken jyly bastalǵan joba aldaǵy tamyz aıynda iske qosylady dep josparlanyp otyr. Búgingi tańda atalǵan nysanǵa ınfraqurylym tartý jumystary júrgizilip jatyr. «Sybaǵa» baǵdarlamasymen iri qara jáne qoı satyp alý, asyl tuqymdy mal sanyn kóbeıtý jumystary jalǵasady. Saladaǵy ótkir máseleniń biri – mal azyǵymen qamtý. Osy oraıda qosymsha 3 myń gektar sýarmaly alqaptan mal azyǵyn daıyndaý josparlandy» - dedi oblys ákimi M. Dosmuhambetov.
Avtor: Joldasbek Kósherbaıuly
