Atyraýda 15 myńnan astam oqýshyǵa kompıýter berildi
ATYRAÝ. QazAqparat – Atyraý oblysynda 15 myńnan astam oqýshyǵa mektep kompıýteri berilip jatyr, dep habarlaıdy QazAqparat.
Oblystyq bilim basqarmasy basshysynyń mindetin ýaqytsha atqarýshy Almagúl Qaıyrlıevanyń málim etýinshe, oqýshylarǵa qajetti kompıýterdiń jetispeýshiligin sheshý máselesi qolǵa alynyp otyr.
«Qazirgi ýaqytta 16 639 oqýshynyń kompıýteri joqtyǵy anyqtaldy. Osy máseleni sheshý úshin mektep kompıýterin ýaqytsha paıdalanýǵa berýdi uıǵardyq. Búginge deıin 15 246 oqýshyǵa qaıtarymdy kelisimmen mektep kompıýterleri taratyldy», - dedi Almagúl Qaıyrlıeva.
Eske sala ketelik, Atyraý oblysynda bıyl 5 mektep pen 3 balabaqsha paıdalanýǵa beriledi.
