Atyraýda 15 myń sharshy metr aýmaqqa gúlzar otyrǵyzylady

ATYRAÝ. QazAqparat - Atyraýdyń Azattyq, Ábilqaıyr han jáne Sátbaev dańǵyldarynda gúlzar paıda bolady, dep habarlaıdy QazAqparat tilshisi.

«Bıyl qala kóshelerin kógaldandyrý jumystary qarqyndy júrip jatyr. Atap aıtqanda, kóktem men jazda 12 myń sharshy metr jerge birneshe myń gúl egildi. Olar - raýshan, petýnııa, tagetıs, tsınerarııa, portýlak, salvııa. Sondaı-aq, barlyq kósheler men saıabaqtarda aǵashtardy ákteý, baǵanalar men aryqtardy jóndeý, tal sýarý jáne 40 myńǵa jýyq aǵashty baptaý jumystary júrgizildi»,-dep habarlady oblys ákimdiginiń baspasóz qyzmetinen.

Sonymen qatar, 3 myńnan asa aǵash pen 700 metr aǵashtan turǵyzylǵan qorshaý otyrǵyzý jobasy da ázirlenýde. Jańadan otyrǵyzylǵan aǵashtar Taımanov pen Baıjigitov kóshelerinde, al qorshaý Sátbaev dańǵylynyń boıynda keı jerlerinde boı kóteredi. Bul jumystar aldaǵy kúz mezgiline josparlanyp otyr.