Atyraýda 15 kóp balaly otbasy baspanaly boldy
ATYRAÝ.QazAqparat - Búgin Atyraýda 15 kóp balaly otbasy jańa páter kiltin aldy, dep habarlaıdy QazAqparat.
Atyraý qalalyq ákimdigi habarlaǵandaı, 15 páter «Bereke» yqshamaýdanynan berilgen.
«Kezekte turǵan kóp balaly otbasylar páter aldy. Jaldamaly baspana, jekeshelendirýge jatpaıdy. Aı saıyn zańmen belgilengen mólsherde azǵantaı soma tóleıdi»,-dep naqtylady ákimdikten.
Aıta keteıik, Parlament depýtattary kóp balaly otbasylardy satyp alý quqyǵynsyz jaldamaly pátermen qamtamasyz etý týraly zań jobasyn maquldaǵan bolatyn. Qujat boıynsha jaldaý quny aıyna bir sharshy metrge 115 teńge. Jaldamaly baspanaǵa tirkeýge turý tek kóp balaly otbasy múshelerine ǵana ruqsat etiledi, úıde týystarynyń jeńildikpen turýy zańmen qarastyrylmaǵan.
«Kezekte turǵan kóp balaly otbasylardyń sany- 1,5 myń. Aldaǵy aıda taǵy da kóp balaly otbasylarǵa baspana beriledi», - dep naqtylady ákimdikten.
