Atyraýda 14 jastaǵy jasóspirim qyzdy kólik qaǵyp ketti
ATYRAÝ. QazAqparat – Atyraýda 14 jastaǵy jasóspirim qyzdy kólik qaǵyp ketti, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, oqys oqıǵa keshe, 31 qańtarda bolǵan.
«Tańerteńgi saǵat 09:30 shamasynda Atyraý qalasyndaǵy S.Beıbarys dańǵylynda ornalasqan «Dına» bazarynyń tusynda «VAZ – 21154» kóligi 14 jastaǵy qyzdy qaǵyp ketti. Kólik rýlinde 22 jastaǵy jigit bolǵan. Kólik qaqqan jasóspirim jedel járdem
kóligimen oblystyq aýrýhanaǵa jetkizildi», -dep habarlady departamenttiń baspasóz qyzmeti.
Belgili bolǵandaı, bıylǵy qańtar aıynda 15 adamdy kólik qaǵyp ketken. Onyń ishinde 12 derek rettelmeıtin jaıaý júrginshi ótkelinde tirkelgen. Al, 3 adamdy joldyń jaıaý júrginshilerge arnalmaǵan tusynan ótken kezde qaqqan.
Jyl basynan beri jaıaý júrginshilerge jol bermegen 100-ge jýyq júrgizýshi ákimshilik jaýapkershilikke tartylǵan.
Eske sala ketelik, budan buryn Atyraýda jedel járdem kóligi apatqa ushyrap, eki adam
aýrýhanaǵa túskenin jazǵan bolatynbyz.
