Atyraýda 14 jastaǵy ul úsh táýlik boıy izdestirilip jatyr
ATYRAÝ. QazAqparat - Atyraýda 14 jastaǵy jasóspirim izdestirilip jatyr, dep habarlaıdy «QazAqparat» HAA tilshisi.
Atyraý qalalyq ІІB Krımınaldyq polıtsııa bóliminen habarlaǵandaı, jasóspirim Esmaǵambet Іzmuhan 27 naýryz kúni keshkisin úıinen shyǵyp ketken. Sodan beri habar-osharsyz ketken. Oǵan izdeý salyndy.
Joǵalǵan 14 jastaǵy bala úıinen shyqqanda ústinde kúrtkesi men sur tústi trıkosy, aq svıteri, qara qysqy aıaq-kıimi bolǵan. Boıy 150-155 santımetr, dene-bitimi aryq, shashy qara, qysqa bolǵan.
Bala týraly málimet biletinderden polıtsııaǵa habarlasýyn suraıdy: 98-22-05, 98-22-09, 87783192764 Atyraý qalalyq ІІB Krımınaldyq polıtsııasy.
