Atyraýda 14 jasar jasóspirim bireýdiń kóligin aıdap ketken

ATYRAÝ. QazAqparat – Atyraýda bóten bireýdiń kóligin aıdap ketken 14 jasar jasóspirim ustaldy, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetine súıensek, 17 tamyzda saǵat 18:15 shamasynda Atyraý qalasynyń turǵynynan M.Baımuhanov kóshesindegi úıdiń aldynda turǵan «Daewoo Nexia» kóligi joǵalǵany týraly habar túsken.

«Patrýldik polıtsııa qyzmetkerleri joǵalǵan kólikti jedel izdeýge kiristi. Kóp uzamaı joǵalǵan kólik M.Baımuhanov kóshesinde ornalasqan «Úsh qońyr» azyq-túlik dúkeniniń tusynda toqtatyldy. Bótenniń kóligin aıdap ketken 14 jasar jasóspirim ekeni anyqtaldy. Jasóspirim sol jerde ustaldy», - dep habarlady basqarmanyń baspasóz qyzmeti.

Eske sala ketelik, buǵan deıin Atyraýda kólik urlaǵan jasóspirim ustalǵan bolatyn.