Atyraýda 14 jasar oqýshy mektepke bomba qoıylǵany týraly jalǵan habar bergen
Oblystyq polıtsııa departamenti baspasóz qyzmetiniń aqparatyna qaraǵanda, Atyraý qalasyndaǵy №2 J.Nájimedenov atyndaǵy mekteptiń oqýshysynyń «bomba qoıylǵany» týraly jalǵan habar bergeni anyqtaldy.
Mektep ǵımaratynda jarylys bolady dep kórineý jalǵan habar oqýshy 2008 jyly týǵan jasóspirim anyqtaldy. Ol osy mektepte oqıdy.
Oqýshy Atyraý qalalyq polıtsııa basqarmasyna ata-anasymen birge shaqyrtyldy. Qazir tergep-tekserý jumystary bastaldy.
Elimizde terrorızm aktisi týraly kórineý jalǵan habar taratýshylar qylmystyq jaaýapkershilikke tartylady. QR Qylmystyq Kodeksiniń 273-babymen bes myń aılyq eseptik kórsetkish mólsherinde aıyppul salýǵa ne sol mólsherde túzeý jumystaryna ne bes jylǵa deıingi merzimde bas bostandyǵyn shekteýge ne sol merzimge bas bostandyǵynan aıyrýǵa jazalanady.
Eske sala ketelik, budan buryn Atyraýda «bomba qoıylǵan» mektepten 70 muǵalim men 800 oqýshy evakýatsııalanǵanyn habarlaǵan edik.
Keıin «bomba qoıylǵan» mektepten jarylǵysh zat tabylmady.
Oblystyq bilim basqarmasynyń baspasóz qyzmeti taratqan aqparatqa qaraǵanda, mektep ákimshiligi balalardy evakýatsııalaý týraly aqparatty ata-analardyń chattaryna jedel taratqan.
«Muǵalimderdiń jedel is-áreketiniń nátıjesinde ata-analar balalaryn alyp ketti. Ekinshi jáne úshinshi aýysymda oqıtyn oqýshylar úshin oqý-tárbıe protsesi qashyqtan júrgiziledi. Quqyq qorǵaý organdary júrgizgen tekserý aıaqtalǵannan keıin mektepte qajetti dezınfektsııalyq jumystar atqarylady», - dep málim etti basqarmanyń baspasóz qyzmeti.
Foto: t.me/POLICE_of_KZ
