Atyraýda 14 mln teńge aıyppulyn tólemegen 192 júrgizýshi ustaldy
ATYRAÝ. QazAqparat – Atyraý oblysynda 14 mln teńge aıyppulyn tólemegen 192 júrgizýshi anyqtaldy, dep habarlaıdy QazAqparat.
Atyraý oblysynyń polıtseıleri 15 qazan-15 qarasha aralyǵynda «Boryshker» jedel- profılaktıkalyq is-sharasyn ótkizip jatyr.
«Basty maqsat – jolda júrý erejesin buzǵany úshin salynǵan aıyppulyn tólemeı júrgen júrgizýshilerdi anyqtaý. Patrýl polıtsııa qyzmetkerleri tek bir táýlik ishinde aıyppulyn tólemegen 8 júrgizýshini anyqtap, olardyń kóligi arnaıy turaqqa koıyldy. Máselen, S.Datov kóshesinde reseılik nómiri bar «Audi a6» avtokóligi toqtatyldy. Tekserý kezinde kólik ıesiniń 500 040 teńge aıyppulyn tólemegeni anyqtalyp, avtokólik aıyp turaǵyna jetkizildi. Іs-shara kezinde 192 kólik ıesiniń 14 mln teńge kólemindegi aıyppuldy tólemegeni belgili boldy» dep habarlady oblystyq polıtsııa departamentiniń baspasóz qyzmeti.
Aıyppul tólemegen júrgizýshilerdiń basym bóligi, ıaǵnı, 135 júrgizýshi Reseı Federatsııasynda tirkelgen kólikpen júrgen. Al, Armenııa Respýblıkasynyń kóligimen júrgender – 18 júrgizýshi.
Eske sala ketelik, budan buryn Atyraýda kóligine eki túrli nómir taqqan júrgizýshi ustalǵan bolatyn.
