Atyraýda 14 adam koronavırýs juqtyryp, 13 naýqas emdelip shyqqan
ATYRAÝ. QazAqparat – Atyraýda 14 adam koronavırýs juqtyryp, 13 adam saýyǵyp shyqqan, dep habarlaıdy QazAqparat.
Atyraý oblystyq sanıtarııalyq-epıdemıologııalyq baqylaý departamentiniń málimetine súıensek, ótken táýlikte qaýipti vırýs juqtyrǵandardyń arasynda Atyraý qalasynan 3 naýqas bar. Al, Teńiz kenishinde 9 jumysshy, Inder aýdanynda 2 adam koronavırýs juqtyrǵan.
Sovid-19 ınfektsııasynyń sımptomdy túri 6 naýqastan anyqtalǵan.
«Ótken táýlikte koronavırýs ınfektsııasynan 13 adam emdelip shyqty. Qazir 140 adam úı jaǵdaıynda emdelýdi jalǵastyrýda. Oblystyq ınfektsııalyq statsıonarda 62, al aýdandardaǵy statsıonarlarda 16, Teńiz kenishindegi statsıonarda 238 patsıent em qabyldap jatyr» -dep habarlady departamenttiń baspasóz qyzmetinen.
Eske sala ketelik, budan buryn oblys ákimi Atyraý oblysynda qajetti dári-dármekterdiń barlyǵy baryn aıtqan edi.
