Atyraýda 137 myńnan astam maskany zańsyz satqandar ustaldy

ATYRAÝ. QazAqparat –Atyraýda 137 500 maskany zańsyz satqan eki adam ustaldy, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetine qaraǵanda, Atyraý qalasynda medıtsınalyq maskany ruqsat qujatynsyz satyp júrgen eki er adam anyqtalǵan.

«Polıtsııa qyzmetkerleri 10 shildede jedel izdestirý sharasy kezinde «Leshoz» yqshamaýdanynda eki adamdy qolǵa túsirdi. Olar osyndaǵy ǵımarattyń birinde medıtsınalyq maskany lıtsenzııasyz ári qymbat baǵaǵa satqan. Ustalǵandardan 137 500 medıtsınalyq maska tárkilendi. Qazir atalǵan fakti boıynsha tekserý júrgizilip jatyr», -dep habarlady departamenttiń baspasóz qyzmeti.

Eske sala ketelik, buǵan deıin Atyraý oblysynyń eki turǵyny úılerin dárihanaǵa aınaldyrǵanyn habarlaǵan bolatynbyz.