Atyraýda 13 mektep pen 12 balabaqsha dırektorynyń laýazymdyq orny bos tur

ATYRAÝ. QazAqparat – Atyraý qalasynda 13 mektep pen 12 balabaqsha dırektorynyń laýazymdyq orny bos tur, dep habarlaıdy QazAqparat tilshisi.

Oblystyq Bilim basqarmasynyń baspasóz qyzmetiniń málimetinshe, birinshi basshylardyń bos laýazymdyq ornyna konkýrs jarııalanǵan.

Qazir Atyraý qalasyndaǵy jalpy bilim beretin 13 mektepke turaqty jumys isteıtin dırektor qajet. Sol sebepten №5 Ǵ.Músirepov atyndaǵy orta mektep, №11 Y.Altynsarın atyndaǵy orta mektep, №2 J.Nájimedenov atyndaǵy orta mektep, Jambyl atyndaǵy orta mektep, IT mektep-lıtseıi, Ǵ.Muratbaev atyndaǵy orta mektep, №19 Q.Sátpaev atyndaǵy mektep-gımnazııa, №37 orta mektep, №15 Abaı atyndaǵy orta mektep, №24 orta mektep, I.Taımanov atyndaǵy orta mektep, №6 M.Móńkeuly atyndaǵy orta mektep, №17 mektep-lıtseıi dırektorynyń bos laýazymdyq ornyna konkýrs jarııalanyp otyr.

Sondaı-aq Atyraý qalasynyń aýmaǵynda ornalasqan 12 balabaqshaǵa basshylyq jasaıtyn dırektor izdep jatyr. Máselen, №26 «Juldyz», «№24 «baqytty balalyq shaq», №12 «Úmit», №36 Nurálem», №38 «Aqqaıyń», №54 «Aıgúl», №33 «Kórkemaı», №10 «Qulynshaq», №43 «Arman», №29 «Nursaıa», «№25 «Erkemaı» bóbekjaı-baqshasy», №20 «Altyn balyq» sóıleý tilinde kúrdeli qubylystary bar balalarǵa arnalǵan arnaıy balabaqshasyna birinshi basshy qajettigi týyndap tur.

Bos laýazymdyq oryndarǵa qujat qabyldaý konkýrs jarııalanǵannan bastap 7 kún ishinde qabyldanady.

Eske sala ketelik, buǵan deıin Atyraý oblysynda 31 orta mektepte dırektordyń orny bos turǵanyn jazǵan bolatynbyz.