Atyraýda 1200-den astam shóp oramy órtenip ketti
ATYRAÝ. QazAqparat –Atyraý oblysynda 1200-den astam shóp oramy órtenip ketti, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń aqparatyna qaraǵanda, shabyndyqtaǵy shópti jınaý barysynda órt shyqqan. Sońǵy kúnderi osyndaı 5 derek tirkelgen.
«Jylyoı aýdanynyń «Manas» sharýa qojalyǵynda 28 shóp oramy, Qurmanǵazy aýdany, Japyryq aýylyndaǵy jeke turǵyn úıdiń aýlasynda jınalǵan 6 shóp oramy, Baıda aýyldyq okrýginiń Batpaq kópir ýchaskesindegi «Tóreǵalıeva» sharýa qojalyǵynda 1200 shóp oramy janyp ketti.. Sondaı-aq, Inder aýdany, Esbol aýyldyq okrýginde tirkelgen «Amandos» sharýa qojalyǵynda 50 shóp oramy, Qyzylqoǵa aýdany, Janterek aýylyndaǵy №57 úıdiń aýlasynda turǵan 18 shóp oramy da órtendi» -dep habarlady departamenttiń baspasóz qyzmetinen.
