Atyraýda 120 jas otbasy páterli boldy
ATYRAÝ. QazAqparat - Atyraýda búgin 120 jas otbasy páter aldy, dep habarlaıdy «QazAqparat» HAA tilshisi.
Atyraýlyqtar baspanaǵa 2013 jyldan beri Atyraý oblysynda iske asyrylyp kele jatqan «Jas Otaý» óńirlik baǵdarlamasynyń arqasynda qol jetkizdi. Jańa qonys ıelerine kiltti Atyraý oblysy ákiminiń birinshi orynbasary Ǵumar Dúısembaev tabys etti.
«Bul «Jas Otaý» baǵdarlamasy boıynsha iske asyrylyp jatqan ekinshi úı. Bıyl 100 páterlik taǵy bir úıdi paıdaǵa tapsyrý josparlanýda», - dep aıtty Atyraý oblysy jastar saıasaty máseleleri basqarmasynyń basshysy Jasulan Bısımbaev.
Nursaıa shaǵyn aýdanynda ornalasqan 120 páterlik jańa úı jasy 29-dan aspaıtyn jas otbasylar úshin salynǵan. Onda 40 bir bólmeli, 40 eki bólmeli, 40 úsh bólmeli páter bar.
Óńirdegi jas otbasylarynan barlyǵy 2000-nan astam ótinim tústi, odan 1200-i belgilengen ólshemsharttarǵa sáıkes iriktelip alyndy. Sonyń ishinde 120-sy «Jas Otaý» baǵdarlamasy boıynsha turǵyn alýǵa úmitkerler tıisti talaptarǵa sáıkes kelýi kerek. Máselen, erli-zaıyptylardyń jasy 29-dan aspaýy, aılyq tabystary 100 myń teńgeden kem bolmaýy, ótinish berýshiler atynda jyljymaıtyn múliktiń bolmaýy sııaqty talaptar
Úıdi bólý birneshe ólshemsharttarmen júrgizildi. Іrikteý barysynda erli-zaıyptylardyń biri nemese ekeýi de múgedek, múgedek balalary bar, sport, óner salalarynda jetistikteri bar otbasylaryna basymdylyq berildi. Sondaı-aq bıýdjettik sala, memlekettik, áskerı qyzmetkerler sanatyna da nazar qoıyldy.
«Bul bizdiń oblysta iske asyrylyp jatqan biregeı baǵdarlama. «Jas Otaý» boıynsha páterdiń bir sharshy metr quny 110 myń teńgeni quraıdy. Bul jas otbasylar úshin úlken kómek. Baǵdarlama odan ári de jalǵasa beredi. Oblys ortalyǵynda ǵana emes, aýdandarda da júzege asyrý qarastyrylýda. Jańa úılerdi qaıtarylǵan qarajat esebinen salý josparlanyp otyrǵanyn atap ótken jón», - dedi J. Bısembıev.
