Atyraýda 12 páterlik turǵyn úı órtenip ketti
ATYRAÝ. QazAqparat – Atyraý qalasynda 12 páterlik turǵyn úı órtenip ketti, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetinen málim etkendeı, órt 22 tamyzda saǵat 05:18-de tutanǵan.
«Jalynnyń saldarynan 1972 jyly salynǵan 12 páterlik bir qabatty turǵyn úı tolyq janyp ketti. Oqıǵa ornynan ýly gazben ýlanǵan 1983 jyly týǵan áıel aýrýhanaǵa jetkizildi. Órt sóndirýge 25 adam men 6 tehnıka jumyldyrylyp, saǵat 06:11-de oqshaýlandy. Jalyn saǵat 07:02-de tolyq sóndirildi», -dep habarlady departamenttiń baspasóz qyzmeti.
Órtengen úıdegi 5 páterdiń 22 turǵyn (onyń ishinde 9 bala) úshin «Juldyz» shaǵyn aýdanyndaǵy 5 qabatty turǵyn úıden ýaqytsha baspana berildi. Al, 19 adam (onyń ishinde 8 bala) týystarynyń úıine ornalastyryldy.
Eske sala ketelik, budan buryn Atyraýda kottedj órtenip ketken bolatyn.
