Atyraýda 12 naýqas ókpeni jasandy jeldetý apparatyna qosylǵan
ATYRAÝ. QazAqparat – Atyraýda koronavırýs ınfektsııasyn juqtyrǵan 78 naýqas jansaqtaý bóliminde jatyr. Onyń ishinde 12 patsıent ókpeni jasandy jeldetý apparatyna qosylǵan, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, 2 922 tósek-orny bar ınfektsııalyq statsıonarlarda 1 420 naýqas emdelý úshin oqshaýlanǵan.
«Óńirdiń ınfektsııalyq statsıonarlaryndaǵy júkteme – 48,6%. Al, ınfektsııalyq statsıonarlardyń 114 orynǵa eseptelgen jansaqtaý bóliminde jaǵdaıy aýyr 78 naýqas emdelip jatyr. Onyń ishinde 12 patsıent ókpeni jasandy jeldetý apparatyna qosylǵan. Jansaqtaý bólimindegi júkteme 68,4%-dy qurap otyr», - dep habarlady basqarmanyń baspasóz qyzmeti.
Eske sala ketelik, budan buryn Atyraýda jaǵdaıy aýyr 78 naýqas jansaqtaý bóliminde jatqanyn habarlaǵan edik.
