Atyraýda 12 kúnde 1000-ǵa jýyq adam vaktsına saldyrdy
ATYRAÝ. QazAqparat – Atyraý oblysynda 12 kúnde 1000-ǵa jýyq adam ekpe aldy, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmeti taratqan aqparatqa qaraǵanda, 1-12 aqpan aralyǵynda 983 medıtsına qyzmetkeri koronavırýs ınfektsııasyna qarsy vaktsına saldyrǵan.
«Onyń ishinde aýdandardaǵy emdeý mekemeleriniń 273 qyzmetkeri bar. Qalǵany – Atyraý qalasynda ekpe alǵandar. Vaktsına alǵan medıtsına mamandarynyń densaýlyq jaǵdaıy jaqsy. Ekpeden keıin aýrýhanaǵa túsken jaǵdaılar tirkelmedi» -dep habarlady basqarmanyń baspasóz qyzmeti.
Óńirde qaýipti vırýsqa qarsy vaktsınany arnaıy ashylǵan 24 orynda salý jalǵasyp jatyr.
Eske sala ketelik, budan buryn Atyraýda bes kúnde 800-ge jýyq medıtsına qyzmetkeri vaktsına alǵan bolatyn.
