Atyraýda 12,5 mln teńgeniń qurylys materıaldaryn urlaǵan qylmystyq top músheleri sottaldy
ATYRAÝ. QazAqparat – 12,5 mln teńgeniń qurylys materıaldaryn urlaǵan qylmystyq top múshelerine sot úkimi shyqty, dep habarlaıdy QazAqparat.
Oblystyq polıtsııa departamentiniń bastyǵy, polıtsııa polkovnıgi Qamza Úmbetqalıevtiń
málimetine súıensek, Atyraý qalasynyń 31 jastaǵy turǵyny ózi jumys istegen qurylys
mekemesiniń konteınerinen qurylys materıaldaryn urlaýdy josparlaǵan. Urlyqqa óziniń1990 jáne 1989 jyly týǵan eki tanysyn tartqan.
«Sóıtip, úsh adamnan turatyn qylmystyq top qurylǵan. Olar túngi saǵat 00:30-01:00
shamasynda qoıma esiginiń qulyptaryn buzyp, ishke kirgen. Nátıjesinde asa iri mólsherde, ıaǵnı 12 mln 513 myń 971 teńgeniń zattaryn urlaǵan. Tergeý kezinde 31 jastaǵy azamattyń buryn sottalǵany anyqtaldy. Ol tanysymen birge birge birneshe jekemenshik úı men páterdi tonaǵan. Ekeýi mal satatyn bazar mańynda kezdesip, kanaldar, kósheler boıymen jaıaý júrip, urlyqqa túsýge yńǵaıly úılerdi izdegen. Jaryǵy óship turǵan úılerge terezeden kirip, aqsha, qundy ájekeı-buıymdar, elektrondy tehnıkalardy urlap kelgen», - deıdi departament bastyǵy Qamza Úmbetqalıev.
Onyń aıtýynsha, «Jeruıyq» shaǵyn aýdanyndaǵy úıdiń birine keshki saǵat 19:30-21.30 shamasynda kirip, 1,5 mln teńge turatyn ıtalııandyq markadaǵy syrǵa, 5 dana altyn jıyntyqtar, 3 dana altyn alqa, neke júzigi, altyn kýlondar, 40 000 teńgeni jymqyrǵan.
Nátıjesinde jábirlenýshige 2 mln 690 000 teńgeniń zalalyn keltirilgen.
Sot úkimimen atalǵan qylmystyq mop músheleri birine 6 jyl 6 aı, al, ekeýine 5 jyl 6 aı merzimge bas bostandyǵynan aıyrý jazasy taǵaıyndaldy.
Eske sala ketelik, budan buryn Atyraýda tońazytqyshtaǵy sábı ólimine qatysty
dárigerlerge sot úkimi ózgerissiz qalǵanyn habarlaǵan bolatynbyz.
