Atyraýda 11 jańa mektep salynady
ATYRAÝ. QazAqparat - Atyraýda 11 jańa mektep salynady, dep xabarlaıdy QazAqparat tilshisi.
«Qazirgi tańda 1200 orynǵa arnalǵan mektep qurylysy Bereke kentinde jáne 900 orynǵa arnalǵan mektep qurylysy Nursaıa yqshamaýdanynda salynyp jatyr. Samal yqshamaýdanyndaǵy 600 oryndyq mekteptiń jobasy memlekettik saraptamadan ótedi. Qazir taǵy 8 mekteptiń jobalyq-smetalyq qujattamasy ázirlenýde. Olar memlekettik-jekemenshik seriktestik aıasynda salynatyn bolady», - dedi Atyraý qalasy ákiminiń orynbasary Meıirim Kalaýı brıfıng barysynda.
Sondaı-aq, spıker M. Qalaýı habarlaǵandaı, ákimdik ýaqytsha aqysyz paıdalanýǵa jáne barlyq ınjenerlik kommýnıkatsııalardy júrgizýge jańa mektepter salý úshin jer ýchaskelerin beredi.
