Atyraýda 103 sheteldik kóshi-qon zańnamasyn buzǵan
ATYRAÝ. QazAqparat – Atyraý oblysynda kóshi-qon zańnamasyn buzǵan 103 sheteldik ákimshilik jaýapkershilikke tartyldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, «Mıgrant» jedel aldyn alý is-sharasynyń eki kúninde 143 ákimshilik quqyq buzýshylyq anyqtalǵan.
«Elimizdiń kóshi-qon zańnamasyn buzǵany úshin 103 sheteldik ákimshilik jaýapkershilikke tartyldy. Sot 4 shetel azamatyna qatysty shyǵaryp jiberý týraly sheshim shyǵardy. Al, 2018 jyldan beri Qazaqstan aýmaǵynan óz erkimen shyǵý týraly sot sheshimin oryndamaǵan Ózbekstan Respýblıkasynyń 16 azamatyna qatysty májbúrleý tártibimen shyǵaryp jiberildi. Shaqyrylǵan sheteldikter elimizde bolýdyń belgilengen qaǵıdalaryn buzǵany úshin olardy qabyldaǵan 34 azamat jazalandy. Sonymen qatar, 6 jumys berýshiniń sheteldik jumys kúshin zańsyz paıdalanǵany belgili boldy» -dep habarlady deparatmenttiń baspasóz qyzmeti.
Sondaı-aq, 297 sheteldiktiń quqyqtyq mártebesi rettelgen.
Eske sala ketelik, buǵan deıin Atyraý oblysynda 27 sheteldik ruqsatsyz jumys isetegeni anyqtalǵan bolatyn.
