Atyraýda 1000 otbasyna dári-dármek pen azyq-túlik jıyntyǵy taratyldy

ATYRAÝ. QazAqparat –Atyraýda «Halyq» qaıyrymdylyq qory 1000 adamǵa dári men azyq-túlik jıyntyǵy taratylyp jatyr, dep habarlaıdy QazAqparat.

Óńirlik kommýnıkatsııalar qyzmetiniń málimetinshe, «Halyq» qaıyrymdylyq qory Atyraý oblysynyń turmysy tómen jáne kópbalaly 1000 otbasyna dári-dármek pen azyq-túlik jıyntyǵyn jibergen. ⠀

«Atyraý oblystyq jumyspen qamtýdy úılestirý jáne áleýmettik baǵdarlamalar basqarmasy materıaldyq jaǵdaıy tómen jáne dári-dármekterdi qajet etetin otbasylardyń tizimin 6 kategorııa boıynsha usyndy. Qaıyrymdylyq qorynan kelgen 1000 jıyntyq qala men aýdandardaǵy otbasylarǵa taratylyp jatyr» dep habarlady óńirlik kommýnıkatsııalar qyzmeti. ⠀

Jalpy salmaǵy 60 keliden asatyn ár jıyntyqta koronavırýs ınfektsııasynan emdeý hattamasyna engizilgen negizgi dárilik preparattar, azyq-túlik, ydys jýýǵa arnalǵan suıyqtar, sondaı-aq, antıseptıkalyq quraldar jáne medıtsınalyq maska bar.

Eske sala ketelik, buǵan deıin Atyraýǵa dári-dármektiń iri partııasy tıelgen júk kóligi kelgen edi.