Atyraýda «100 jańa esim» jobasynyń jeńimpazy Rahat-Bı Ábdisaǵın kontsert berdi

ATYRAÝ. QazAqparat – Atyraýdaǵy Mahambet atyndaǵy akademııalyq qazaq drama teatrynda álem elderine ónerimen tanylǵan eń jas kompozıtor, «Daryn» memlekettik jastar syılyǵynyń ıegeri, «100 jańa esim» jobasynyń jeńimpazy Rahat-Bı Ábdisaǵınniń tegin kontserti ótti.

Ol – sımfonııalyq orkestrge jáne kameralyq ansamblge arnalǵan 100-den astam týyndynyń avtory. Kóptegen halyqaralyq kompozıtorlar men pıanıster konkýrsynyń jeńimpazy. Tabıǵı qabiletiniń arqasynda 13 jasynda stýdent atanyp, 17 jasynda Qurmanǵazy atyndaǵy Qazaq ulttyq konservatorııasyn úzdik bitirgen. Atyraýda «Qazaqstannyń Motsarty» atanǵan daryn ıesiniń tegin kontserti «Zymyran zaman» dep ataldy.

Bes júz oryndyq teatrǵa jınalǵan atyraýlyqtar Rahat-Bı Tólegenulynyń klassıkalyq shyǵarmalaryn jyly qabyldady. Ásirese, jas kompozıtordyń «Ómirge qushtarlyq», «Jyl qustarynyń syńsýy» sekildi birneshe týyndysy kórermendi baýrap aldy.

«Bul –meniń Atyraýdaǵy alǵashqy kontsertim. Kórermenniń klassıkalyq ónerge de bet burǵany qýantady» deıdi talantty kompozıtor Rahat-Bı Ábdisaǵın.

Joldasbek Kósherbaıuly