Atyraýda 100 myń gektardan astam ıgerilmegen jer anyqtaldy

ATYRAÝ. QazAqparat -  Atyraý oblysynda 100,5 myń gektar ıgerilmegen aýyl sharýashylyǵynyń alqaptary anyqtaldy, dep habarlaıdy QazAqparat tilshisi.

«Sońǵy jyldary túgendeý barysynda oblysta 100,5 myń gektar ıgerilmegen aýyl sharýashylyǵy maqsatyndaǵy jer telimi anyqtaldy. Olardyń ishinde 39,2 myń gektar jer telimi memleket menshigine qaıtaryldy. 33,1 myń gektar jer telimi qazirgi ýaqytta maqsatyna saı paıdalanyla bastady. Taǵy  28,2 myń gektar jerdiń máselesin jergilikti atqarýshy organdar qarap jatyr»,  - dep habarlady oblystyq ákimdiktiń baspasóz qyzmeti.

Buǵan deıin habarlanǵandaı, óńirde arnaıy toptar qurylǵan. Olar aerofoto túsirilim derekterin paıdalana otyryp, túrli maqsattaǵy jerlerdi aralaıdy, jer telimin paıdalaný salasyn tártipke keltiredi. 

Avtor - A. Sokolov