Atyraýda 100-ge jýyq turǵynnyń qarýy tárkilendi
ATYRAÝ. QazAqparat – Atyraý oblysynda saqtaý, tirkeý erejelerin buzǵan 100-ge jýyq turǵynnyń qarýy tárkilendi, dep habarlaıdy QazAqparat tilshisi.
Oblystyq polıtsııa departamenti baspasóz qyzmetiniń málimetinshe, 4 aqpannan beri «Qarý» jedel profılaktıkalyq is-sharasy ótip jatyr.
«Tek 3 kúnde 2 myńnan astam azamattyq qarý ıeleri tekserildi. Nátıjesinde 100-ge jýyq turǵynnyń qarýdy saqtaý, tirkeý, tasymaldaý erejesin buzǵany anyqtalyp, olar ákimshilik jaýapkershilikke tartyldy. Olardyń úıinde saqtalǵan qarýy tárkilendi» -dep habarlady departamenttiń baspasóz qyzmeti.
Zańsyz aınalymnan bes qarý anyqtalyp, ballıstıkalyq saraptama taǵaıyndaldy.
Eske sala ketelik, budan buryn atyraýlyqtar polıtsııaǵa 40-qa jýyq qarý men 100-den astam oq-dárini tapsyrǵan bolatyn.
