Atyraýda 100-den astam ІT mamandar daıarlandy
ATYRAÝ. QazAqparat - Atyraýda «Nur Otan» partııasynyń jańa jobasy aıasynda 100-den astam ІT mamandar daıarlandy, dep habarlaıdy QazAqparat tilshisi.
Atyraýda «Nur Otan» partııasy oblystyq fılıalynyń bastamasymen Halel Dosmuhamedov atyndaǵy memlekettik ýnıversıtetiniń bazasynda jańa partııalyq jobalar aıasynda ІT ortalyq ashyldy.
Ashylǵan sátten bastap ortalyq 86 IT-mamanyn daıarlap shyǵardy. Oqytý úsh kezeńmen júrgizilip, «Sandyq saýattylyq» (MS Word, MS Excel, MS PowerPoint, Internet-resýrstarmen jumys isteý), «Derekter bazasyn damytý» (MS Access), «Grafıka jáne dızaın» (Auto Cad, Adobe Photoshop) «Internettegi saıttardy baǵdarlamalaý» (HTML, PHP, CSS, CMS), «Dızaın jáne kompıýterlik grafıka» (Corel Draw, Adobe Photoshop, AutoCAD, Macromedia Flash, 3d Max), «Qazirgi zamanǵy programmalaý tehnologııalary» (C / C ++, Python , Java) baǵyttary qamtyldy.
IT ortalyq jetekshisi Janna Ǵabbasovanyń aıtýynsha, 30 mamyrda alǵashqy kezekte oqyǵan Qurmanǵazy, Jylyoı, Inder, Qyzylqoǵa, Maqat jáne Mahambet aýdandarynyń muǵalimderine arnaıy sertıfıkattar tabys etildi. Aldaǵy oqý jylynda olar alǵan bilimderin paıdaǵa asyryp, jańa «Aqparattyq-kommýnıkatsııalyq tehnologııalar» páni boıynsha oqýshylardy sapaly daıyndyǵyna úles qosady.
Muǵalimderdi «Dızaın jáne grafıka» (Corel Draw, Adobe Photoshop, AutoCAD), «Anımatsııa jáne 3D modeldeý» (Macromedia Flash, 3d Max), «Veb-saıtty baǵdarlamalaý» (HTML, PHP, CSS, CMS) baǵdarlamalaý (Pascal, C / C ++), sondaı-aq zamanaýı programmalaý tehnologııasynyń negizderi (Python, Java) baǵyttary boıynsha júrgizildi.
«Oqý úrdisine baǵdarlamalyq daǵdylardy jedelte meńgerýdi engizý, bilim berý sapasyn jaqsartýǵa, jáne aqparattyq tehnologııalar salasy mamandyǵyn nasıhattaýǵa yqpalyn tıgizedi dep senemiz», - dedi Janna Ǵabbasova.
Aıta ketý kerek, ekinshi jáne úshinshi kezekte ІT ortalyq 51 mamandy daıarlap shyǵardy. Olardyń arasynda Atyraý qalasyndaǵy muǵalimderdi qaıta daıarlaý ortalyǵynyń mamandary jáne qala mektepteri men lıtseılerdiń ınformatıka, fızıka, hımııa, tarıh jáne geografııa pánderiniń muǵalimderi, 8-10 synyp oqýshylary, stýdentter men kásiporyn qyzmetkerleri, jáne kórshiles Batys Qazaqstan oblysynyń turǵyndary bar.
