Atyraýda 100-den astam balaǵa «Naýryz-qorjyn» syılyǵy berilip, anımatsııalyq qoıylym kórsetildi
«Dostyq» úıinde ótken Naýryz merekesine oblys ákimi Mahambet Dosmuhambetov qatysyp, balalardy quttyqtady.
«Balalar – bizdiń jarqyn bolashaǵymyz. Olardyń alańsyz bilim alýyna, densaýlyǵynyń myqty bolyp, áleýmettik turǵydan qıyndyq kórmegenin qalaımyz. Bıylǵy «Balalar jylyna» oraı birqatar jobalar josparlanyp otyr. Balalarymyzdyń jan-jaqty damýyna qolaıly jaǵdaı jasaý jalǵasa beredi», -dedi Mahambet Dosmuhambetov.
Merekelik is-sharada 100-den astam balaǵa «Naýryz-qorjyn» syılyǵy berildi. Balalar anımatsııalyq qoıylymdardy tamashalady.
Kıiz úıde ystyq baýyrsaq pen Naýryz kóje taratyldy. Ózge etnos ókilderiniń ulttyq taǵam, qolóner buıymdary qoıylǵan jármeńke uıymdastyryldy. Jármeńkeden túsken qarjy ata-ana qamqorlyǵynsyz qalǵan balalarǵa beriledi.
Eske sala ketelik, budan buryn atyraýlyqtar qoǵamdyq kólikte tegin qatynap júrgenin jazǵan bolatynbyz.
