Atyraýda 10 shaqyrymdyq qaıyrymdylyq marafony ótedi
ATYRAÝ. QazAqparat – Atyraýda 1,5 jyldyq úzilisten keıin 10 shaqyrymdyq qaıyrymdylyq marafony ótedi, dep habarlaıdy QazAqparat.
«Atyrau Marathon» uıymdastyrý komıteti prezıdentiniń orynbasary ıÝrıı Ponomarevtiń aıtýynsha, marafondy 17 qazanda ótkizý josparlanǵan.
«Atyraýda bul marafondy ótkizý 2017 jyly bastalǵan edi. Alaıda, byltyr koronavırýs ınfektsııasynyń taralýyna baılanysty onlaın formatta ótkizdik. Bıyl qaıyrymdylyq maqsattaǵy marafondy alǵash ret qala ortalyǵyndaǵy kóshelerde emes, «Atyraý. Malenkaıa strana» qoǵamdyq birlestigi ashqan balalar aýylynyń aýmaǵynda ótkizýdi josparlap otyrmyz. Qala syrtynda ótetin marafonǵa jasy 16-dan asqan júgirýshiler qatysa alady. Biraq, qatysýshylardyń sanyn shektep, 230 adamnan asyrmaýdy kózdedik. Qatysýshylardan júgirý bastalǵanǵa deıin jáne odan keıin maska taǵý, qashyqtyqty saqtaý talap etiledi» -deıdi ıÝrıı Ponomarev.
Onyń deregine súıensek, marafonnyń uzaqtyǵy – 10 shaqyrym. Jarysqa qatysý úshin 5 myń teńge tóleý kerek. Marafonǵa qatysýshylardan túsken qarjy «Atyraý. Malenkaıa strana» qoǵamdyq birlestiginiń qaıyrymdylyq qoryna aýdarylady.
Eske sala ketelik, budan buryn Atyraýda qaıyrymdylyq marafony onlaın formatta ótetinin jazǵan bolatynbyz.
