Atyraýda 10 qabatty úıdegi órt bir saǵatta sóndirildi

ATYRAÝ. QazAqparat – Atyraýda 10 qabatty úıdegi órt bir saǵattan soń sóndirildi, dep habarlaıdy QazAqparat tilshisi.

Atyraý oblystyq tótenshe jaǵdaılar departamentii qoǵammen baılanys tobynyń málimetinshe, órt​ 5 mamyrda jergilikti ýaqytpen saǵat 19:22-de tutanǵan.

«Atyraý qalasynyń Mahambet Ótemisov kóshesinde ornalasqan 10 qabatty «Lagýna» atty turǵyn úı kesheniniń​ shatyr bóliginen órt shyqty. Úıdiń shatyrynyń jalpy aýdany – 1500 sharshy metr. Jalyn shatyrdyń 200 sharshy metr aýmaǵyn sharpyǵany anyqtaldy. Órt sóndirýshiler oqıǵa ornyna jedel jetip,​ jalyndy sóndirý jumysyna kirisken. Turǵyn úı kesheniniń shatyryn sharpyǵan órt bir saǵatta tolyq sóndirildi», - dep habarlady departamenttiń qoǵammen baılanys tobynan.

Zardap shekkender men qaıtys bolǵandar joq. Qazir órttiń shyǵý sebepteri anyqtalyp jatyr.

Jalyndy sóndirýge Atyraý oblystyq TJD jáne MEÓQQ kúsh-quraldarynan 50 adam men 11 tehnıka jumyldyryldy.

«Órt qaýipsizdik erejesine nemquraıdy​ qaraýdan tutanady. Sondyqtan Atyraý oblysynyń turǵyndary men qonaqtarynan ásirese turmystaǵy órt qaýipsizdigi erejelerin qatań saqtaýdy ótinemiz», -dep málim departamenttiń qoǵammen baılanys tobynan.

Eske sala ketelik, buǵan deıin Atyraýda 10 qabatty turǵyn úıdiń shatyry janyp jatqanyn habarlaǵan bolatynbyz.