Atyraýda 1 jasar egiz balalar úshinshi qabattyń terezesinen qulap ketti
ATYRAÝ. QazAqparat – Atyraýda 1 jasar egiz búldirshinder 3-qabattyń terezesinen qulap ketti, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetinshe, oqys oqıǵa 5 qyrkúıek kúni Atyraý qalasynda bolǵan.
«Bereke» shaǵyn aýdanynda ornalasqan kópqabatty turǵyn úıdiń 3-qabatynan 2020 jyly týǵan 2 balanyń (egiz) terezeden qulaý deregi tirkeldi. Bul kezde eki balanyń anasy jumysta bolǵan, al ákesi uıyqtap jatqan. Ókinishke qaraı, páterdiń terezelerinde temir tor ornatylmaǵan», -dep habarlady departamenttiń baspasóz qyzmeti.
Aıta keteıik, balanyń bireýi aýrýhanda qaıtys boldy. Al, ekinshisi aýrýhanada jatyr.
