Atyraýda 1 jasar bala ekinshi qabattan qulap ketti
ATYRAÝ. QazAqparat – Atyraý oblysynda 1 jasar bala ekinshi qabattaǵy páterdiń terezesinen qulap ketti, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń habarlaýynsha, oqys oqıǵa keshe, 16 mamyrda saǵat 18:00 shamasynda Maqat aýdanynyń ortalyǵynda bolǵan. «Bolashaq» shaǵynaýdanyndaǵy 3 qabatty úıdiń 2-qabatyndaǵy páter terezesinen 1 jastaǵy bala qulap ketken.
Terezeden qulaǵan balaqaı oblystyq balalar aýrýhanasyna jatqyzylǵan. Qazir onyń jaǵdaıy aýyr.
«Oqys oqıǵaǵa balany qaraýsyz qaldyrý sebep bolyp otyr. Oblysta jyl basynan beri osyndaı 2 oqıǵa tirkeldi», - dep habarlady departamenttiń baspasóz qyzmeti.
