Atyraýda 1 mlrd tekshe metr gazdy keshendi daıyndaý qondyrǵysy salynyp jatyr

ATYRAÝ. QazAqparat – Atyraý oblysynda 1 mlrd tekshe metr gazdy keshendi daıyndaý qondyrǵysy salynyp jatyr, dep habarlaıdy QazAqparat.

Qondyrǵy qurylysy Atyraý qalasynan 60 shaqyrym qashyqta, Maqat aýdanynda qolǵa alynǵan. Onda Kaspıı teńizindegi «Qashaǵan» ken ornynan óndiriletin 1 mlrd tekshe metr gazdy keshendi daıyndaý josparlanǵan.

«Qazir Eskene eldi mekeniniń mańynda ornalasqan nysan qurylysyn «GPC Investment» JShS júrgizýdi qolǵa aldy. Qurylys jumystaryna 2 500 adam tartyldy. Joba iske qosylǵan kezde 450 adam turaqty jumysqa ornalasady. Qurylys jumystary 2023 jyly aıaqtalady», -dep málim etti Maqat aýdanynyń ákimi Shákir Keıkın.

Eske sala ketelik, budan buryn Atyraý oblysynda aldaǵy jyly jel elektr stansasy iske qosylatynyn habarlaǵan edik.