Atyraýda 1 mln-nan astam PTR-test ótkizilgen
ATYRAÝ. QazAqparat – Atyraý oblysynda byltyrǵy naýryzdan beri 1 mln 292 myń PTR-test ótkizilgen, dep habarlaıdy QazAqparat.
Oblystyq Densaýlyq saqtaý basqarmasynyń basshysy Ashan Baıdýálıevtiń aıtýynsha, Atyraýda koronavırýs ınfektsııasyna qarsy zertteý júrgiziletin 14 PTR-zerthana jumys
isteıdi.
«Qazir oblystaǵy PTR-zerthanalarda táýligine 14 myńnan astam zertteý júrgiziledi.
Elimizde koronavırýs ınfektsııasy tirkelgennen byltyrǵy naýryzdan beri óńirde júrgizilgen PTR-test sany 1 mln 292 myńdy qurady. Atyraý oblysy elimizde ótkizilgen test sany boıynsha aldyńǵy orynda tur», - dedi Ashan Baıdýálıev.
Eske sala ketelik, budan buryn Atyraý oblysynda úsh kúnde koronavırýs juqtyrǵandar
46 paıyzǵa óskeni habarlanǵan bolatyn.
