Atyraýda 1 mıllıard 40 mıllıon dollardyń jobasyn júzege asyrý týraly kelisimshartqa qol qoıyldy
ATYRAÝ. Qazannyń 29-y. QazAqparat /Andreı Sokolov/ - Búgin Atyraýda «Atyraý munaı óńdeý zaýyty» jaýapkershiligi shekteýli seriktestik pen Qytaıdyń «Sinopec Engineering» kompanııasynyń arasynda hosh ıisti kómirsýtek óndirisi jónindegi keshenniń qurylysy boıynsha kelisimshartqa qol qoıyldy.
Jobaǵa salynatyn ınvestıtsııalyq salym 1 mıllıard 40 mıllıon AQSh dollaryn quraıdy. Jobanyń júzege asyrylý merzimi -2003-2013 jyldardyń aralyǵy. Bas merdiger bolyp otyrǵan qytaılyq «Sinopec Engineering» kompanııasy Atyraý munaı óńdeý zaýytyn qaıta jańartý jobasynda frantsýzdyń «ParamaX BTX» kompanııasynyń tehnologııasyn qoldanbaq. Kásiporyndy qaıta jańartý jobasynyń aıasynda benzol bóletin ekstratıvti dıstıllıatsııa blogynyń qurylysy men katalızdik rıformıng qondyrǵysyn qurý qarastyrylǵan. Sondaı-aq quramyna paraksılol bólý qondyrǵysy, ksıloldy ızomerleý qondyrǵysy, tolýoldy transalkıldeý qondyrǵysy, jalpy zaýyttyń sharýashylyq nysandary kiretin hosh ıisti kómirsýtegi óndirisiniń keshenin de salý qarastyrylǵan.
Atyraý munaı óńdeý zaýytynyń baspasóz qyzmetinen habarlaǵandaı, bul jobany júzege asyrý zaýytqa eldiń biryńǵaı munaı-hımııalyq tizbegine kirip qana qoımaı, ınnovatsııalyq tehnologııalardy engizýge múmkindik beredi.
