Atyraýda 1 qazannan bastap jylý beriledi
ATYRAÝ. QazAqparat - Atyraýda 15 qazanda turǵyn úılerge jylý beriletin bolady, dep habarlaıdy QazAqparat tilshisi.
Bul týraly ÓKQ ótken brıfıngte «Atyraý jylý júıeleri» AQ prezıdenti Nuradın Shamshatov málimdedi.
Spıker jylý berý maýsymyna daıyndyq jumystarynyń barlyq josparlanǵan jumystary tolyq kólemde aıaqtalǵanyn jáne áleýmettik nysandardyń jylýy ýaqtyly beriletinin atap ótti.
«Qyrkúıektiń birinshi jartysynda jylý jelisin tolyq óshirý baǵdarlamasy oryndaldy jáne 18 qyrkúıekte jylý berý kezeńinde júrgizilgen jóndeý jumystarynyń sapasyn tekserý úshin beriktigi men tyǵyzdyǵyna gıdravlıkalyq synaqtar ótkizildi. Sondaı - aq, kún saıyn aldaǵy jylý berý maýsymyna turǵyn úı, densaýlyq saqtaý, bilim berý jáne basqa da áleýmettik nysandardyń qoljetimdiligin qadaǵalap otyramyz. Osylaısha, barlyq áleýmettik nysandar, balabaqshalar, mektepter, aýrýhanalarǵa jylý 1 qazanda qosylady», - deıdi Atyraý jylý júıeleri» AQ prezıdenti Nuradın Shamshatov.
Aıta keteıik, Atyraý qalasyna jalpy bıylǵy jyly jylý 867 kóp qabatty turǵyn úılerge qosylady.
