Atyraýda 1 gektar aýmaqtaǵy jylyjaıdyń ekinshi bóligi qulap tústi

ATYRAÝ. 24 aqpan. QazAqparat - Osy aptada Atyraýdaǵy «QazAgroÓnimderi» sharýa qojalyǵyna «QazAgroQarjy» AQ salyp bergen jylyjaıdyń ekinshi sektsııasy qulady.

Sharýa qojalyǵynyń jetekshisi Vladımır Rozmetov málim etkendeı, «domıno» sııaqty qurastyrylǵan jylyjaıdyń bir sektsııasy ekinshisin ózimen birge tartyp, qulatyp ketken.

«Qazirgi ýaqytta jylyjaıdyń qurylysyn ustap turǵan metall maıysa bastady. Terezelerdiń kem degende 50 paıyzy syndy nemese qırady. Jáne de bul úderis jalǵasyp keledi. Osy ýaqytqa deıin jylyjaıdy saqtap qalý boıynsha «QazAgroQarjy» AQ-nan júıeli usynystar túspedi», - dedi V. Rozmetov. 

Esterińizge sala keteıik, kóptegen aqaýlarmen salynǵan 1 gektar aýmaqtaǵy jylyjaı tolassyz jaýǵan qardyń saldarynan aqpannyń basynda qulaı bastaǵan edi.