«Atyraý Joldary» 241 qyzmetkerdiń jalaqysyn keshiktirgen
ATYRAÝ. QazAqparat – «Atyraý Joldary» 241 qyzmetkerdiń 20 mln 485 myń jalaqysyn keshiktirip tólegen, dep habarlaıdy QazAqparat.
Atyraý oblystyq memlekettik eńbek ınspektsııasy basqarmasyna Isataı aýdandyq prokýratýrasynan «Atyraý Joldary» JShS-ne qatysty zań buzýshylyqty joıý týraly usynys túsken.
«Atyraý Joldary» JShS-niń eńbek zańnamasynyń talaptaryn saqtamaı, 241 qyzmetkerge bıylǵy shilde jáne tamyz aılary úshin eseptelgen 20 485 000 teńge kóleminde eńbek aqynyń tólenbegeni anyqtaldy. Osyǵan baılanysty oblystyq memlekettik eńbek ınspektsııasy basqarmasy tarapynan QR «Ákimshilik quqyq buzýshylyq týraly» Kodeksiniń 87-babyna sáıkes «Atyraý Joldary» JShS ákimshilik aıyppul túrindegi jaýapkershilikke tartyldy» -dep habarlady basqarmadan.
Qazir «Atyraý Joldary» 241 qyzmetkerdiń shilde, tamyz aılaryndaǵy 40 485 000 teńge kólemindegi eńbek aqysyn tolyǵymen tóledi.
Eske sala ketelik, budan buryn Atyraýda kásiporyn jumysshylaryna 56 mln teńgeni keshiktirip tólegenin jazǵan edik.
