Atyraý jastaryna 200 mln.-nan astam teńge bólindi
ATYRAÝ. QazAqparat - Atyraý oblysynda memlekettik jastar saıasaty aıasyndaǵy baǵdarlamalardy júzege asyrýǵa bıýdjetten 203 mln teńge bólindi, dep habarlaıdy QazAqparat.
«Bıýdjetten bólingen aqshaǵa 23 jobany iske asyrý josparlanǵan. Olardyń eń qyzyqtylary: Kóńildiler men tapqyrlar Jastar lıgasyn qurý, sondaı-aq «Ne? Qaıda? Qashan?» jáne «Breın-rıng» oıyndaryn uıymdastyrý. Onymen qosa, óz kásibin bastaǵysy keletin, sonyń ishinde aýyldaǵy jastar úshin bıznes-tájirıbe ótkizý josparlanýda. Áleýmettik mańyzy bar jobalar arasynda -stýdentter men jumyssyz júrgen 2 myń jasty «Jasyl el» qataryna alý bar», - dep málim etti jastar saıasaty basqarmasynyń basshysy Jasulan Bısembıev.
