Atyraý jaryqsyz qaldy: Tótenshe jaǵdaı sebebi ataldy
Oblys ákiminiń baspasóz qyzmetinen málim etkendeı, Atyraý qalasynyń birneshe shaǵynaýdanynda elektr qýatynyń óship qalýyna №18 qosalqy elektr stansasynyń órtenýi sebep bolǵan.
«Qarashanyń 13-inen 14-ine qaraǵan túni Atyraý qalasynyń Birlik shaǵynaýdanyndaǵy №18 qosalqy elektr stansasynda órt boldy. Órt oblystyq Tótenshe jaǵdaılar departamentine qarasty órt sóndirý jáne avarııalyq-qutqarý jumystary qyzmetiniń kúshimen joıyldy. Qazirgi ýaqytta Geolog, Juldyz, Birlik, Tomarly, Vokzalmańy shaǵynaýdandary elektr qýatynsyz qalyp otyr.
Oblys ákimi Serik Shápkenov Atyraý qalasyndaǵy shaǵynaýdandardy elektr jaryǵymen qamtamasyz etýge baılanysty týyndaǵan ahýaldy jeke baqylaýyna aldy», - dep habarlady oblys ákiminiń baspasóz qyzmetinen.
Qazir óńir basshysynyń tapsyrmasymen Atyraý qalasynyń ákimdigi men «Atyraý-Jaryq» AQ-nyń avarııalyq qyzmetteri avarııalyq jaǵdaıdyń saldaryn joıý jáne elektr energııasyn berýdi qalpyna keltirý boıynsha jóndeý jumystaryn júrgizip jatyr. Búgin, 14 qarasha kúni tańerteń Vokzalmańy shaǵynaýdanynda elektr qýaty qalpyna keltirildi.
Eske sala ketelik, Atyraýda elektr energııasynyń óshýinen mektepter onlaın oqýǵa kóshirilgenin habarlaǵan bolatynbyz.