Atyraý jáne Batys Qazaqstan oblystary yntymaqtastyq týraly memorandýmge qol qoıdy
ATYRAÝ. QazAqparat - BQO delegatsııasy is saparmen Atyraý oblysynda boldy. Sapar qorytyndysy boıynsha, yntymaqtastyqty keńeıtý jáne tereńdetý týraly memorandýmge qol qoıyldy.
«Sapardyń negizgi maqsaty - tutyný naryǵyndaǵy suranysty zertteý, otandyq taýar óndirýshilerge qoldaý kórsetý. Kórshiles eki aımaq úshin bul óte mańyzdy. Atyraý dúkenderiniń sóresinde oraldyq ónimderdiń kóptegen túrin kezdestirýge bolady, olar oblys turǵyndary arasynda suranysqa ıe.
Eki kórshiles aımaq birigip jumys isteýge múddeli jáne mashına jasaý, keme jasaý, aýyl sharýashylyǵy, azyq-túlik ónimderin óndirý sekildi kez kelgen sala úshin kómek kórsetýge daıyn», dep habarlady oblys ákimdiginiń baspasóz qyzmeti.
Eki oblys ókilderiniń kezdesý sharasyna Atyraý oblysynyń ákimi Nurlan Noǵaev jáne BQO ákimi Altaı Kólginov qatysty.
