Atyraý jáne Almaty oblystarynda negizgi makrokórsetkishter tómen – Smaıylov
«Bes aıdyń qorytyndysy boıynsha jalpy ishki ónim 4,5 paıyzǵa artty. Negizgi úlesti óńdeýshi ónerkásip salalary qosyp otyr. Mashına jasaýda – 32, onyń ishinde avtomobıl jasaýda – 41, lokomotıvter men vagondar óndirisinde 46 paıyz ósim dınamıkasy tirkeldi. Jeńil ónerkásipte – 31, onyń ishinde tekstıl óndirisi – 51, kıim-keshek óndirisinde 4,8 paıyz ósim bar. Tamaq ónimderin shyǵarý – 6,5, plastmassa buıymdary – 7,7, mıneraldy ónim shyǵarý – 4,1, daıyn metall buıymdary 11 paıyzǵa artty. Munaı óńdeý 3 paıyzǵa ósti», - dedi Úkimet basshysy.
Onyń dereginshe, elektr energııasynyń óndirisinde 2,9 paıyz ósim tirkeldi. Taý-ken ónerkásibinde ósim 1,3 paıyz boldy. Qurylys salasy – 12,1, aýyl sharýashylyǵy – 3,5, qyzmet kórsetý sektory 4,9 paıyzǵa artty. Bul kórsetkish saýdanyń – 10,2, baılanys pen aqparattyń – 9,1% jáne kólik salasynyń 7,2 paıyzǵa ósýi esebinen qamtamasyz etildi. Ken óndirýdi esepke almaǵanda negizgi kapıtalǵa salynǵan ınvestıtsııalardyń artýy 19,4 paıyzdy qurady.
«5 aıdyń qorytyndysy boıynsha barlyq negizgi makrokórsetkishterdiń ósimi Abaı, Aqmola, Batys Qazaqstan, Qostanaı, Pavlodar, Soltústik Qazaqstan, Ulytaý oblystary men Almaty qalasynda tirkeldi. Eń tómen kórsetkishter – Atyraý jáne Almaty oblystarynda. Osyǵan baılanysty atalǵan óńir basshylary tıisti sharalar qabyldaýy qajet», - dedi Álıhan Smaıylov.