Atyraý zaýytyndaǵy órt benzın baǵasyna áserin tıgize me

ASTANA. QazAqparat - QR Energetıka vıtse-mınıstri Maxambet Dosmuxambetov Atyraý munaı óńdeý zaýytynda bolǵan órttiń benzın baǵasyna keri áserin tıgizbeıtinin jetkizdi, dep xabarlaıdy QazAqparat tilshisi.

«Atyraý munaı zaýytynda bolǵan órtten keıin qubyr men onyń janynda bolǵan kabelderdi aýystyrý qajet. Oǵan 5-6 kúndeı ketedi. Árıne, benzın men dızel otynyn óndirý kólemi tómendeıdi. Alaıda bunyń bári munaı ónimderi naryǵyna eshbir áser etpeıdi. Sebebi qajetti janar-jaǵarmaı qory bar», - dedi M.Dosmuxambetov jýrnalısterge bergen suxbatynda.

Onyń aıtýynsha, qazirgi kezde shyǵyndar eseptelip jatyr. Onyń kólemi kóp bolmaıdy. Degenmen, munaı óńdeý kólemi azaıǵandyqtan, zaýyt birshama tabystan aıyrylady.