«Atyraý» voleıbol klýby erler arasynda Qazaqstan kýbogynyń ıegeri atandy
ALMATY. 1 qarasha. QazAqparat /Erlik Erjanuly/ - Keshe Almatydaǵy "Temir dos" sport kesheninde voleıboldan erler komandalary arasynda Qazaqstan kýbogynyń aqtyq oıyndary óz máresine jetti.
Buǵan deıin óz alańyndaǵy shırek fınaldyq oıynda barlyq qarsylastaryn qoǵadaı japyrǵan Hromtaýdyń «TNK Qazhrom» komandasy bul joly jankúıerdiń senimin aqtaı almady. Jartylaı fınalda atyraýlyqtarǵa 2-3 (20-25, 25-16, 24-26, 25-21, 15-17) esebimen ese jibergen olar aqtyq synda da dál osyndaı eseppen Oraldyń «Kondensat» komandasyna (21-25, 35-33, 28-26, 15-25, 9-15) utyldy. Al jartylaı fınalda oraldyqtardy (3-1) tize búktirgen Qyzyljardyń "Esilin" aqtyq synda "atyraýlyqtar" 2-3 esebimen qapy qaldyrdy. Sonyń nátıjesinde Qazaqstan kýbogynda 1-3 oryndy "Atyraý", "Esil" jáne "Kondensat" komandalary ózara bólisti.
