Atyraý ýnıversıteti orman órtinen qaza bolǵandardyń balalaryna 10 grant bóldi
Ýnıversıtet rektory Salamat Idrısovtyń aıtýynsha, qaza tapqan jandardyń balalaryna qol ushyn sozý kózdelip otyr.
«Qyzmettik mindetin atqarý kezinde 14 adamnyń qurban bolǵany barshamyzǵa aýyr tıdi. Halqymyzdyń qanynda qınalǵan otbasylarǵa qol ushyn sozyp, balalarynyń jetilýine qamqorlyq tanytý sekildi izgi qasıet bar. Bizdiń ýnıversıtettiń ǵylymı keńesiniń sheshimimen «Semeı ormany» mekemesiniń órtten qurban bolǵandar men zardap shekken qyzmetkerleriniń balalary úshin 10 bilim granty bólindi. Abaı oblysyndaǵy sondaı otbasylardyń H.Dosmuhamedov atyndaǵy Atyraý ýnıversıtetine «Joǵary oqý ornyna qabyldaýdyń úlgilik qaǵıdalary» talaptaryna saı qabyldanady. Olar ýnıversıtetke oqýǵa túsken jaǵdaıda jataqhanamen tegin qamtamasyz etiledi», – dep habarlady Salamat Idrısov.
Onyń aıtýynsha, H.Dosmuhamedov atyndaǵy Atyraý ýnıversıtetiniń basqarma quramy, ǵylymı keńesiniń músheleri, professor-oqytýshylary zardap shekkenderdi materıaldyq qoldaý maqsatynda 1 kúndik eńbekaqysyn arnaıy qorǵa aýdarý týraly sheshim qabyldady.
Eske sala ketelik, budan buryn Atyraý ýnıversıtetteri Túrkııada oqıtyn qazaqstandyq stýdentterdi qabyldaýǵa daıyn ekenin habarlaǵan bolatynbyz.
Munaıly óńirdegi H.Dosmuhamedov atyndaǵy jáne S.Ótebaev atyndaǵy munaı jáne gaz ýnıversıtetteriniń basshylary osyndaı sheshim qabyldaǵan edi. Túrkııadaǵy tótenshe jaǵdaıǵa baılanysty sol elde oqıtyn Qazaqstan stýdentterine bilimin jalǵastyrýǵa múmkindik berdi.
