Atyraý týrısteri Antalııadan 15 saǵatqa keshigip ushty
ATYRAÝ.QazAqparat - Atyraýlyq týrıster Antalııadan úılerine 15 saǵatqa keshigip jetti, dep habarlaıdy «QazAqparat» HAA tilshisi.
«Biz Antalııadan 6 maýsym kúni saǵat 11-de ushýymyz kerek edi. Alaıda bizge SCAT kompanııasynyń charterlik reısi tehnıkalyq sebepterge baılanysty keshki saǵat 19.30-da ushatyndyǵyn habarlady. Keıin taǵy ýaqyt qosyldy, sonyń saldarynan biz Atyraýǵa túngi saǵat bir jarymda jettik. Qonaq úılerden kúndizgi 12 -de shyǵarylǵan adamdar sol aýmaqty panalady. Bizge eshqandaı kóńilge qonymdy túsinikteme berilmedi. Tek keshirim surady», - dedi ózin Anargúl dep tanystyrǵan týrısterdiń biri.
