Atyraý turǵynynyń úıinen zańsyz saqtalǵan 90 keli bekire tuqymdas balyq tárkilendi
Oblystyq polıtsııa departamentiniń baspasóz qyzmetinen málim etkendeı, kúdikti baǵaly sý marjanyn zańsyz satyp kelgen.
«Departamenttiń uıymdasqan qylmysqa qarsy kúres basqarmasynyń qyzmetkerleri Atyraý qalasynyń 49 jastaǵy turǵynynyń shahar aýmaǵynda bekire tuqymdas balyqtardy satyp júrgenin anyqtady. Osy derekke baılanysty polıtsııa qyzmetkerleri baǵaly balyqty zańsyz saýdalaý kúdigine ilingen adamnyń turǵylyqty meken-jaıyna tintý júrgizdi. Tintý kezinde kúdiktiniń úıinen jalpy salmaǵy 90,6 kelini quraıtyn bekire tuqymdas balyqtyń 26 danasy tabylyp, aıǵaq zat retinde tárkilendi», -dep habarlady departamenttiń baspasóz qyzmeti.
Qazir polıtsııa qyzmetkerleri 49 jastaǵy kúdiktige qatysty QR Qylmystyq kodeksiniń 339-babynyń 1-bóligimen (Ósimdikterdiń nemese janýarlardyń sırek kezdesetin jáne quryp ketý qaýpi tóngen túrlerin, olardyń bólikterin nemese derıvattaryn, onyń ishinde olardyń aınalymy Qazaqstan Respýblıkasynyń halyqaralyq sharttarymen retteletin túrlerin, sondaı-aq paıdalanýǵa tyıym salynǵan ósimdikterdi nemese janýarlardy, olardyń bólikterin nemese derıvattaryn zańsyz qolǵa túsirý, ıemdený, saqtaý, ótkizý, ákelý, áketý, jóneltý, tasymaldaý nemese joıý, sol sııaqty olardyń mekendeıtin jerlerin joıý) sotqa deıingi tergep-tekserý amalyn júrgizip jatyr. Ózge aqparat QPK-niń 201 babyna sáıkes jarııalaýǵa jatpaıdy.
Eske sala ketelik, buǵan deıinAtyraýda brakonerlerden bekire men esirtki tárkilengenin jazǵan bolatynbyz.