Atyraý turǵynynan kıik múıizi tárkilendi

AQTÓBE. QazAqparat - Aqtóbeniń Oımaýyt aýylynda atyraýlyq ustaldy. Odan kıik múıizi tárkilendi, dep habarlaıdy QazAqparat tilshisi.

11 naýryz kúni Oımaýyt aýyly mańynda atyraýlyq ustaldy. Onyń memlekettik nómiri joq «Ýral» markaly mototsıklinen tórt dana kıik múıizi tárkilendi.

«Zańsyz ań aýlaǵany úshin Qylmystyq kodekstiń 339 baby boıynsha is qozǵaldy. Múıiz ben mototsıkl tárkilendi. Kúdikti qamaldy», - dedi oblystyq PD baspasóz qyzmetiniń jetekshisi Erbolat Sarqulov.