Atyraý turǵynynan 6,6 myń bótelke zańsyz alkogol tárkilendi
Oblystyq Polıtsııa departamenti baspasóz qyzmetiniń málimetine súıensek, Qulsary qalasynyń turǵyny alkogol ónimin zańsyz saqtap kelgen.
«Departamenttiń uıymdasqan qylmysqa qarsy kúres basqarmasynyń qyzmetkerleri jedel-izdestirý is-sharalary kezinde Jylyoı aýdanynyń ortalyǵy – Qulsary qalasynda ornalasqan qoımalardyń birinen alkogoldi spırt ónimin zańsyz saqtaǵan tulǵany anyqtady. Qala aýmaǵyndaǵy qoımadan 3,194 lıtrdi quraıtyn araq ónimi tabyldy. Spırt ishimdigi 6600-den astam shyny bótelkege quıylǵan. Alkogol óniminiń jalpy quny 7 mln teńgege jýyq qarjyny quraıdy», - dep habarlady vedomstvodan.
Kúdikti retinde 51 jastaǵy er adam ustaldy. Qazir oǵan qatysty Qylmystyq kodeksiniń 233-baby 2-bóligimen (Aktsızdeletin taýarlardy sáıkestendirý quraldarymen jáne (nemese) esepke alý-baqylaý markalarymen tańbalaýdyń tártibi men qaǵıdalaryn buzý, sáıkestendirý quraldaryn jáne (nemese) esepke alý-baqylaý markalaryn qoldan jasaý jáne paıdalaný) sotqa deıingi tergep-tekserý amaldary júrip jatyr.
Ózge aqparat Qylmystyq-protsestik kodeksiniń 201-babyna sáıkes jarııalaýǵa jatpaıtyny málim etildi.
Foto: polisia.kz