Atyraý turǵyny jumysqa ornalastyramyn dep 14 adamdy aldap ketken

ORAL. QazAqparat – Batys Qazaqstan oblysynda Atyraý turǵyny jumysqa ornalastyramyn dep 14 adamdy aldap ketken, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, qazirgi kezde QR QK 190-baby 3-babyna (iri mólsherde jasalǵan alaıaqtyq) sáıkes sotqa deıingi tergeý amaldary júrgizilýde.

Atyraýlyq 1993 jylǵy áıel BQO aýmaǵynda turǵyndarǵa jumysqa ornalastyramyn dep ýáde etken. Sóıtip olardyń árqaısysynan 50 myń teńgeden jymqyrǵan. Osylaısha 14 turǵyn ne jumys joq, ne aqsha joq, jer sıpap qalǵan. Olar polıtsııaǵa júgingennen keıin alaıaq qolǵa tústi.

Eske sala keteıik, budan buryn BQO-da baýkespe urynyń jábirlenýshilerge 7 mln teńge zalal keltirgenin jazǵan bolatynbyz.